ព័ត៌មានជាតិ

អភិបាលខេត្តកំពង់ស្ពឺ រន្ធត់និងសោកស្តាយ ចំពោះទង្វើរ របស់សន្តិសុខផ្សារ ដែលទាត់កញ្ច្រែងលក់ព្រីង​ របស់ក្មេងស្រីម្នាក់…។

ខេត្តកំពង់ស្ពឺ : អភិបាលខេត្តកំពង់ស្ពឺ រន្ធត់និងសោកស្តាយ ចំពោះទង្វើររបស់សន្តិសុខផ្សារដែលទាត់កញ្ច្រែងលក់ព្រីង​របស់ក្មេងស្រីម្នាក់

អភិបាល​ខេត្ត​កំពង់​ស្ពឺ​ ឯកឧត្ដម​ វ៉ី​ សំណាង​:​ នៅថ្ងៃទី២០ ខែឧសភា ឆ្នាំ២០២១ នេះ ក្រោយពីបានឃើញហ្វេសប៊ុករបស់បងប្អូនដែលបានបង្ហោះរឿងសន្តិសុខ ផ្សារកំពង់ស្ពឺ បានទាត់កញ្ច្រែងក្មួយស្រីលក់ព្រីង បណ្ដាលឱ្យកំពប់ទៅលើដី ខ្ញុំពិតជាមានការរន្ធត់ និងសោកស្ដាយយ៉ាងខ្លាំង ចំពោះទង្វើអសីលធម៌បែបនេះ។

ក្នុងនាមក្រុមប្រឹក្សាខេត្ត គណៈអភិបាលខេត្ត ឯកឧត្ដម​សូមអភ័យទោសចំពោះទង្វើដែលមិនគប្បីរបស់សន្តិសុខផ្សារកំពង់ស្ពឺ ដែលបានប្រព្រឹត្តបែបនេះ (ថ្ងៃ១៩ ខែឧសភា ឆ្នាំ២០២១)កន្លងទៅនេះ។

ក្នុងឱកាសជួបផ្ទាល់ជាមួយក្មួយស្រី ឯកឧត្តម​បានផ្តល់នូវសម្ភារៈមួយចំនួន សម្រាប់រួមចំណែកសម្រួលដល់ការលំបាករបស់គាត់កន្លងមក។

ឯកឧត្តម​សំណូមពរយ៉ាងទទូចដល់បងប្អូនអាជីវករក៏ដូចជាប្រជាពលរដ្ឋទាំងអស់សូមមេត្តារក្សាឲ្យបាននូវសណ្ដាប់ធ្នាប់សាធារណៈដោយជៀសវាងគិតតែប្រយោជន៍ខ្លួន ភ្លេចអំពីផលប៉ះពាល់ដល់ប្រយោជន៍អ្នកដទៃ ដែលគាត់ត្រូវការប្រើប្រាស់ផ្លូវ។

បើទោះជាយ៉ាងណាក៏ដោយទង្វើអសីលធម៌របស់សន្តិសុខផ្សារកំពង់ស្ពឺបែបនេះគឺមិនអាចលើកលែងបានឡើយ….៕ ដោយ : អាចារ្យ ឆៃ

adm

Leave a Reply

Your email address will not be published. Required fields are marked *