ខេត្តរតនគីរី ៖ សមត្ថកិច្ចនគរបាលមូលដ្ឋាន បានឱ្យដឹងថា មានករណីគ្រោះថ្នាក់ចរាចរណ៍ ដ៏រន្ធត់ រវាងរថយន្តយីឌុបដឹកដី និងរថយន្តកាមរីបាឡែន បណ្តាលឱ្យមានស្លា.ប់មនុស្សចំនួន ៥នាក់ ក្នុងនោះ មានមន្រ្តីអាវុធហត្ថចំនួន ៤នាក់។
ហេតុការណ៍នេះ បានកើតឡើងនៅម៉ោង ១៤ និង៣០រសៀល ថ្ងៃទី១៨ ខែកុម្ភៈ ឆ្នាំ២០២៥ លើកំណាត់ផ្លូវកណ្តាលក្រុមហ៊ុន «ថាកូអាគ្រី» ស្ថិតក្នុងភូមិសាស្ត្រ ស្រុកលំផាត់។
សាក្សីជាកម្មករដាំចេក ក្នុងចំការខាងលើ ប្រាប់ថា ពួកគាត់ បានឃើញរថយន្តដឹកដីបើកឆ្លងកាត់ផ្លូវ លុះរថយន្តរងគ្រោះខាងលើបើកមក ក៏បុកគ្នាពេញទំហឹងតែម្តង។
ស្នងការនគរបាលខេត្តរតនគិរី លោកឧត្តមសេនីយ៍ទោ អ៊ុង សុភាព បានឱ្យបណ្តាញព័ត៌មានដឹងថា ជនរងគ្រោះទាំង ៥នាក់ មានមន្ត្រីអាវុធហត្ថចំនួន ៤នាក់ និងម្នាក់ទៀត ជាបកប្រែភាសាវៀតណាម ប្រចាំក្រុមហ៊ុន…៕ ដោយ : ពូ ក្តាម
